KA
Hallgrímur bestur hjá KA og Ingimar efnilegastur
09.10.2023 kl. 18:07
Hallgrímur Mar Steingrímsson, til vinstri, og Ingimar Stöhle ásamt Sævari Péturssyni, framkvæmdastjóra KA, sem afhenti viðurkenningarnar. Mynd af Facebook síðu KA.
Hallgrímur Mar Steingrímsson var kjörinn besti leikmaður knattspyrnuliðs KA á nýloknu keppnistímabili og Ingimar Torbjörnsson Stöle sá efnilegasti. Það eru leikmenn, þjálfarar og stjórn sem velja. Hallgrímur var einnig markahæsti KA-maðurinn í sumar. Lokahóf KA-manna var haldið á Múlabergi á laugardagskvöldið.
Nokkrir leikmenn fengu síðan viðurkenningu fyrir að hafa náð ákveðnum fjölda spilaðra leikja í meistaraflokki fyrir KA í deild, bikar og Evrópukeppni. Sævar Pétursson framkvæmdastjóri KA afhenti allar viðurkenningar til leikmanna en Vignir Már Þormóðsson, varaformaður KA og lengi formaður knattspyrnudeildar, afhenti þá síðustu, Dorrann, sem Ragnar Már Þorgrímsson hlaut í ár fyrir frábært og ómetanlegt sjálfboðaliðastarf í þágu KA í gegnum árin. Gripurinn var á sínum tíma gefinn í minningu Steindórs Gunnarssonar.
Nánar hér á heimasíðu KA
100 leikir - Ívar Örn Árnason
100 leikir - Daníel Hafsteinsson
200 leikir - Hrannar Björn Steingrímsson
300 leikir - Hallgrímur Mar Steingrímsson
Ragnar Már Þorgrímsson, til vinstri, fékk Dorrann.
