KA
Bruno Bernat semur til tveggja ára við KA
17.03.2023 kl. 13:30
Haddur Júlíus Stefánsson, formaður handknattleiksdeildar KA, og Bruno Bernat handsala samninginn. Mynd af vef KA
Markvörðurinn Bruno Bernat hefur skrifað undir nýjan tveggja ára samning við handknattleiksdeild KA. Hann leikur því áfram með sínu uppeldisfélagi næstu árin.
„Bruno kom af krafti ungur inn í markið í meistaraflokksliði KA en hann verður 21 árs á næstu dögum og verður afar gaman að fylgjast áfram með hans framgöngu,“ segir í frétt á vef KA.
„Í vetur hefur Bruno verið einn besti markvörður Olísdeildarinnar en hann hefur verið með eina bestu hlutfallsmarkvörsluna í deildinni og þá lék hann með U21 árs landsliði Íslands á dögunum er Ísland vann frækinn sigur á liði Frakka 24-33 í Frakklandi.“
Nánar hér á heimasíðu KA
