Baldvin stórbætti eigið Íslandsmet í 1500 m

Skapti Hallgrímsson - skapti@akureyri.net 27.01.2025 kl. 21:45

Baldvin Þór í viðtali við Þorkel Gunnar Sigurbjörnsson íþróttafréttamann RÚV eftir hlaupið í kvöld. Mótið var í beinni útsendingu á RÚV 2. Skjáskot af RÚV.

Baldvin Þór Magnússon úr Ungmennafélagi Akureyrar stórbætti eigið Íslandsmet í 1500 metra hlaupi innanhúss í kvöld á Reykjavíkurleikunum í Laugardalshöllinni. Hann sigraði í greininni og varð fyrstur Íslendinga til að hlaupa vegalengdina á innan við 3 mínútum og 40 sekúndum innanhúss; tími Baldvins í kvöld var 3:39,67 mín.

Aðeins er rúm vika síðan Baldvin Þór bætti eigið Íslandsmet í 3000 metra hlaupi innanhúss á móti í Sheffield á Englandi.

Metið sem Baldvin bætti í kvöld setti hann á Reykjavíkurleikunum 4. febrúar á síðasta ári; þá hljóp hann 1500 m á 3:41,05. Eftir hlaupið í kvöld er Íslandsmet Baldvins innanhúss betra en met hans utanhúss. Það setti hann í júlí á síðasta ári: 3:39,90 mín.

Baldvin á níu Íslandsmet

Baldvin Þór á Íslandsmet í fimm greinum utanhúss: