Auður fékk brons á Norður-Evrópumótinu

Auður Pétursdóttir var í eldlínunni með U17 ára landsliði Íslands í blaki sem hlaut bronsverðlaun á NEVZA Evrópumóti í Ikast í Danmörku sem lauk í gær. NEVZA er mót þar sem lið frá Norður-Evrópu leiða saman hesta sína. 

Íslenska varð í þriðja sæti og nældi þar með í brons eftir sigur á Englandi í lokaleik sínum. Spilandi þjálfari KA, Miguel Mateo Castrillo, þjálfar stúlknalandsliðið og Oscar Fernandez Celiz leikmaður KA þjálfar drengjalandsliðið sem varð í sjötta sæti á mótinu. Þá fór faðir Auðar, Pétur Ingi Haraldsson, með í ferðina sem liðsstjóri en hann leikur einnig blak með öldungaliði KA.

Nánar hér á heimasíðu KA.