Kjöri íþróttafólks ársins lýst – allir velkomnir
Kjöri íþróttakonu og íþróttakarls Akureyrar 2023 verður lýst í menningarhúsinu Hofi í dag, miðvikudaginn 31. janúar. Samkoman hefst kl. 17:30 og verður það í 45. sinn sem besta íþróttafólk bæjarins er heiðrað með þessum eða svipuðum hætti. Allir bæjarbúar eru velkomnir í Hof í dag.
Áður en kjörinu verður lýst verða styrkir veittir til afreksefna, viðurkenningar til aðildarfélaga vegna Íslandsmeistaratitla og heiðursviðurkenningar Fræðslu- og lýðheilsuráðs verða veittar.
Íþróttafólk Akureyrar árið 2022 voru þau Hafdís Sigurðardóttir hjólreiðakona og knattspyrnumaðurinn Nökkvi Þeyr Þórisson. Hafdís er aftur á meðal 10 efstu í kjörinu en Nökkvi Þeyr er ekki gjaldgengur þar sem hann hélt utan síðla árs 2022 og leikur nú í Bandaríkjunum.
Tíu efstu tilnefningar til íþróttakonu Akureyrar 2023
- Andrea Ýr Ásmundsdóttir – GA – Golf
- Anna Berglind Pálmadóttir – UFA – Hlaup
- Anna María Alfreðsdóttir – AKUR – Bogfimi
- Hafdís Sigurðardóttir – HFA – Hjólreiðar
- Helena Kristín Gunnarsdóttir – KA – Blak
- Jóna Margrét Arnarsdóttir – KA – Blak
- Madison Anne Sutton – Þór – Körfuknattleikur
- Matea Lonac – KA/Þór – Handknattleikur
- Sandra María Jessen – Þór/KA – Knattspyrna
- Stefanía Daney Guðmundsdóttir – Eik – Frjálsar
Tíu efstu tilnefningar til íþróttakarls Akureyrar 2023
- Alex Cambray Orrason – KA – Kraftlyftingar
- Baldvin Þór Magnússon – UFA – Hlaup
- Dagur Gautason – KA – Handknattleikur
- Einar Rafn Eiðsson – KA – Handknattleikur
- Elmar Freyr Aðalheiðarson – Þór – Hnefaleikar
- Gísli Marteinn Baldvinsson – KA – Blak
- Hallgrímur Mar Steingrímsson – KA – Knattspyrna
- Izaar Arnar Þorsteinsson – Akur – Bogfimi
- Jakob Ernfelt Jóhannesson – SA – Íshokkí
- Veigar Heiðarsson – GA – Golf
