Strákarnir byrjuðu á því að vinna Mexíkó
Strákarnir í landsliði Íslands 18 ára og yngri hófu leik á HM í íshokkí með glæsibrag í gær; sigruðu Mexíkó 5:3 í Skautahöllinni á Akureyri. Það er A-riðill 3. deildar HM sem fram fer á Akureyri og lýkur um næstu helgi.
Gestirnir byrjuðu betur en staðan eftir fyrstu lotu var þó 1:1. Mexíkó gerði tvö mörk í öðrum leikhluta og staðan var 3:1 að honum loknum en okkar menn tóku sig heldur betur á í þriðja og síðasta leikhluta og gerðu fjögur mörk!
Skautafélag Akureyrar á 11 fulltrúa í landsliðshópnum og þeir voru áberandi; gerðu fimm af sex mörkum liðsins.
Mörk og stoðsendingar íslenska liðsins í gær:
- Arnar Kristjánsson 2/1
- Birkir Einisson 1/2
- Uni Steinn Sigurðarson Blöndal 1/1
- ÓIafur Baldvin Björvinsson 1/0
- Aron Gunnar Ingason 0/1
- Kristján Jóhannesson 0/1
Gríðarlega góð mæting var á leikinn og áhorfendur vel með á nótunum. Íslensku strákarnir verða aftur á ferðinni í kvöld kl. 20.00 þegar þeir mæta liði Bosníu-Herzegóvínu, sem burstaði Lúxemborg 6:0 í gær.
Smellið hér til að sjá allar upplýsingar um mótið
