Grímsey
Nýr bátur bættist í flota Grímseyinga
18.09.2022 kl. 20:30
Langfeðgar í hinum nýja Birni. Henning Jóhannesson, Jóhannes Henningsson og Henning Jóhannesson yngri.
Nýr bátur bættist í dag í flota Grímseyinga.
Hinn nýi Björn EA 220 sem gerður er út af Heimskautssporti kom í heimahöfn síðdegis í dag, sunnudag. Nýjum bátum er alltaf vel fagnað í Grímsey; hefð heimamanna er að taka vel á móti bátum og áhöfn. Að sjálfsögðu var ekki breytt út af vananum í dag og sigldu flestir bátar eyjarinnar á móti Birni; buðu þannig bát og áhöfn velkomin heim eftir siglingu að sunnan.
