Unnur skoraði níu og KA/Þór vann Víking
KA/Þór vann Víking í 7. umferð næstefstu deildar kvenna í handknattleik, Grill 66 deildinni, í dag og náði aftur tveggja stiga forystu á toppi deildarinnar. Unnur Ómarsdóttir var langmarkahæst í liði KA/Þórs, skoraði níu mörk.
Leikurinn í dag var jafn og spennandi allan tímann, en góður endasprettur KA/Þórs skilaði að lokum fjögurra marka sigri. Liðin skiptust á að leiða í fyrri hálfleiknum, en lítið skorað. KA/Þór hafði eins marks forystu eftir fyrri hálfleikinn, 8-7. Áfram var jafnt í seinni hálfleiknum. KA/Þór þó með frumkvæðið, en Víkingar náðu fjórum sinnum að jafna. Staðan var 14-14 þegar tæpar tíu mínútur voru eftir, en á lokakaflanum skoraði KA/Þór fjögur mörk gegn einu og vann að lokum, 19-15.
- Grill 66 deildin: Víkingur R. - KA/Þór 15-19 (7-8)
- Leikskýrslan (hsi.is)
- Tölfræði leiksins (hbstatz.is)
- Staðan í deildinni
Víkingur
Mörk: Ivana Jonna Meincke 3, Ída Bjarklind Magnúsdóttir 3, Sunna Katrín Hreinsdóttir 3, Arnbjörg Bertha Kristjánsdóttir 2, Auður Brynja Sölvadóttir 2, Hafdís Shizuka Iura 2.
Varin skot: Signý Pála Pálsdóttir 11 (36,7%).
Refsimínútur: 4.
KA/Þór
Mörk: Unnur Ómarsdóttir 9, Bergrós Ásta Guðmundsdóttir 5, Anna Þyrí Halldórsdóttir 2, Telma Lísa Elmarsdóttir 2, Susanne Pettersen 1.
Varin skot: 11 (42,3%), Matea Lonac 10, Sif Hallgrímsdóttir 1.
Refsimínútur: 0.
Með sigrinum í dag er KA/Þór aftur með tveggja stiga forystu á toppi deildarinnar, 13 stig úr sjö leikjum. HK og Afturelding unnu bæði sína leiki í dag og í gær og eru bæði með 11 stig. Næsti leikur liðsins er heimaleikur gegn Fjölni fimmtudaginn 14. nóvember, sem verður þá fjórði leikur liðsins á 11 dögum
