Frjálsíþróttir

Íslandsmet og Baldvin Norðurlandameistari

Skapti Hallgrímsson - skapti@akureyri.net 09.02.2025 kl. 14:15

Baldvin Þór Magnússon eftir að hann setti Íslandsmet í 1500 metra hlaupi innanhúss á Reykjavíkurleikunum á dögunum. Skjáskot af RÚV.

Baldvin Þór Magnússon úr Ungmennafélagi Akureyrar varð í dag Norðurlandameistari í 3.000 metra hlaupi innanhúss, stórbætti eigið Íslandsmet frá því í janúar og náði í leiðinni lágmarki fyrir Evrópumeistaramótið í mars.

Norðurlandamótið fer fram í Espoo í Finnlandi. Baldvin hljóp vegalengdina í dag á 7:39,94 mín. – 7 mínútum og 39,4 sekúndum. Metið frá því í janúar var 7:45,13 mín. þannig að hann bætti það um hvorki meira né minna en tæpar sex sekúndur!

Annar í hlaupinu í dag varð Norðmaðurinn Filip Ingebrigsten, fyrrverandi Evrópumeistari í 1.500 metra hlaupi. Þeir Baldvin háðu mikið einvígi í Espoo og kom Norðmaðurinn þremur sekúndubrotum á eftir okkar manni í mark; Ingebrigsten hljóp á 7:39,97 mínútum og tryggði sér einnig þátttökurétt á EM sem fram fer í Hollandi 6.-9. mars.

Óhætt er að segja að Baldvin byrji árið með glæsibrag. Íslandsmetið var það þriðja sem hann setur frá áramótum; Baldvin bætti metið í 3.000 m hlaupi öðru sinni í dag sem fyrr segir og hann sló einnig eigið met í 1.500 metra hlaupi á Reykjavíkurleikunum fyrir hálfum mánuði.

Baldvin á níu Íslandsmet

Baldvin Þór á nú Íslandsmet í fimm greinum utanhúss: