Framhaldsskólar
Sjö sækja um starf skólameistara MA
03.05.2022 kl. 17:03
Brautskráning 2021. Gengið úr Íþróttahöllinni til myndatöku á lóð skólans. Jón Már Héðinsson, skólameistari, og Sigurlaug Anna Gunnarsdóttir, aðstoðarskólameistari, í broddi fylkingar. Sigurlaug er einn umsækjenda um starf skólameistara. Ljósmynd: Skapti Hallgrímsson
Sjö sækja um embætti skólameistara Menntaskólans á Akureyri sem auglýst var til umsóknar á dögunum. Jón Már Héðinsson skólameistari lætur af störfum eftir brautskráningu 17. júní.
Þessi sóttu um:
- Alma Oddgeirsdóttir, brautastjóri í MA
- Ásta Fönn Flosadóttir, skólastjóri
- Karl Frímannsson, sviðsstjóri fræðslu- og lýðheilsusviðs hjá Akureyrarbæ
- Kristín Elva Viðarsdóttir, skólasálfræðingur í MA
- Ómar Örn Magnússon, doktorsnemi
- Sigurlaug A. Gunnarsdóttir, aðstoðarskólameistari MA
- Þuríður Helga Kristjánsdóttir, framkvæmdastjóri
Mennta- og barnamálaráðherra skipar í embættið til fimm ára í senn frá 1.ágúst að fenginni umsögn skólanefndar.
