Golfklúbbur Akureyrar sigraði í 2. deild kvenna

Kvennasveit Golfklúbbs Akureyrar sigraði í 2. deild Íslandsmóts golfklúbba og leikur því í 1. deild á næsta ári. Mótið fór fram á Flúðum, keppni hófst á miðvikudag og lauk í dag.

GA-stelpurnar mættu sveit Nesklúbbsins í morgun, í hreinum úrslitum um sigur í deildinni og höfðu betur, 2,5-0,5.

Sveitina skipuðu Andrea Ýr Ásmundsdóttir, Bryndís Eva Ágústsdóttir, Björk Hannesdóttir, Kara Líf Antonsdóttir og Lilja Maren Jónsdóttir. Ólafur Auðunn Gylfason var liðsstjóri.

Nánar hér á heimasíðu GA