Lokanir gatna vegna Akureyrarvöku

Akureyrarbær hefur auglýst lokanir gatna í dag og næstu daga vegna viðburða á Akureyrarvöku. Þá hvetja skipuleggjendur Akureyrarvöku gesti eindregið til að nýta aðra samgöngumáta að svæðinu og minna á að fátt er hollara en góð gönguferð.

Lokun föstudaginn 30. ágúst kl. 21:30-23:45

• Vegna Draugaslóðar á Hamarkotstúni verða hlutar Þórunnarstrætis, Hamarstígs og Byggðavegar lokaðir fyrir umferð ökutækja kl. 21:30-23:45, en þó geta íbúar og neyðaraðilar ekið um Þórunnarstræti og hluta Hamarstígs (grænt á kortinu neðar í fréttinni).
• Gestum Draugaslóðar er bent á að nýta sérstök bílastæði sem verða á tjaldsvæðisreitnum við Þórunnarstræti (sjá mynd) á sama tíma (gult á kortinu neðar í fréttinni). Umferðarstýring inn á svæðið verður í höndum björgunarsveitarfólks frá Súlum.

Eftirfarandi lokanir taka gildi kl. 11 í dag, föstudag, og vara til hádegis á sunnudag:

• Kaupvangsstræti (Listagilinu) verður lokað fyrir neðan Eyrarlandsveg og niður að Hafnarstræti.
• Ráðhústorg
• Skipagata frá Ráðhústorgi að Hofsbót
• Strandgata frá Ráðhústorgi að Geislagötu
• Túngata frá Bankastíg að Ráðhústorgi
• Göngugötuhluti Hafnarstrætis verður lokaður eins og verið hefur

Helstu bílastæði við hátíðarsvæði:

• Menningarhúsið Hof
• Ráðhúsið
• Skipagata
• Hofsbót
• Íþróttahöllin
• Kaupvangur
• Berjaya Akureyri hótel
• Neðan við Rósenborg
• Sundlaug Akureyrar
• Menntaskólinn á Akureyri

Bæjarbúar eru hvattir til að nota umhverfisvænar samgöngur að og frá hátíðarsvæðunum.