Covid-19
Ekkert kórónuveirusmit á Norðurlandi eystra
21.12.2020 kl. 11:24
Snjókarlinn í miðbænum brosti breitt um helgina og mannfólkið er án efa ánægt með stöðuna í landshlutanum. Ljósmynd: Jón Óskar Ísleifsson.
Ekkert kórónuveirusmit greindist á Norðurlandi eystra um helgina, enginn er í einangrun í landshlutanum og enginn heldur í sóttkví.
Sjö greindust með veiruna innanlands í gær, af þeim voru fimm í sóttkví. Alls eru 29 á sjúkrahúsi hérlendis, þar af þrír á gjörgæslu. Fjórir greindust smitaðir á landamærum.
