Þór áfram í bikarnum eftir sigur í Eyjum

Þórsarar eru komnir áfram í 16 liða úrslit bikarkeppni karla í handknattleik, Powerade-bikarnum, eftir tveggja marka sigur á ÍBV2 í Eyjum í dag. Næsti mótherji Þórsara í bikarkeppninni er ÍR, en liðin mætast á Akureyri 17. nóvember.

Akureyri.net er ekki kunnugt um gang leiksins, né heldur aðrar tölur, eins og hverjir skoruðu mörkin og hve mörg skot voru varin. Leikurinn var af einhverjum ástæðum ekki beint á hbstatz.is eins og aðrir leikir og þegar þetta er skrifað er leikskýrslan ekki komin inn á vef HSÍ.

• Gangur leiksins: ÍBV2 - Þór 28-30  (11-17)

Næsti leikur Þórsliðsins er einnig í Vestmannaeyjum þegar strákarnir mæta liði HBH í 7. umferð Grill 66 deildarinnar. Tveimur dögum seinna er leikur liðsins gegn ÍR á dagskrá á Akureyri, en Akureyri.net er ekki kunnugt um hvort einhverjar breytingar verða gerðar á þessum leikdögum.