Alþingiskosningar 2021
Framsókn með 25% atkvæða og þrjá menn!
26.09.2021 kl. 10:12
Sigurgleði Framsóknarmanna í nótt! Jóhannes Geir Sigurgeirsson, fyrrverandi alþingismaður, Ingibjörg Ólöf Isaksen, nýr þingmaður og fyrsti þingmaður kjördæmisins, og Guðmundur Baldvin Guðmundsson, oddviti flokksins í bæjarstjórn Akureyrar. Ljósmynd: Skapti Hallgrímsson.
Framsóknarflokkurinn er ótvíræður sigurvegari í Norðausturkjördæmi í Alþingiskosningunum í gær; fékk fjórðung atkvæða og þrjá menn kjörna en var með tvo áður. Flokkur fólksins telst einnig til sigurvegara og náði manni á þing í fyrsta skipti. Sjálfstæðisflokkur fékk örlítið minna fylgi en síðast en heldur tveimur mönnum, VG heldur tveimur mönnum þrátt fyrir mikið fylgistap og fylgi Miðflokksins um það bil helmingast. Flokkurinn fær einn þingmann en var með tvo. Þá tapar Samfylkingin einnig manni þótt fylgið minnki ekki verulega.
- Framsóknarflokkur 25% - 3 þingmenn
Ingibjörg Isaksen, Líneik Anna Sævarsdóttir og Þórarinn Ingi Pétursson. (6.016 atkvæði) - Sjálfstæðisflokkur 18,5% - 2 þingmenn
Njáll Trausti Friðbertsson og Berglind Ósk Guðmundsdóttir. (4.346 atkvæði) - Vinstri græn 12,9% - 2 þingmenn
Bjarkey Olsen Gunnarsdóttir og Jódís Skúladóttir, uppbótarþingmaður. (3.040 atkvæði) - Samfylkingin 10,5% - 1 þingmaður
Logi Már Einarsson. (2.465 atkvæði) - Miðflokkurinn 8,9% - 1 þingmaður
8,9% -Sigmundur Davíð Gunnlaugsson. (2.092 atkvæði) - Flokkur fólksins 8,6% - 1 þingmaður
Jakob Frímann Magnússon. (2.026 atkvæði)
Þessir fengu ekki þingmann:
- Viðreisn 5,4% (1.263 atkvæði)
- Píratar 5,3% (1.256 atkvæði)
- Sósíalistaflokkur Íslands 4,1% (954 atkvæði)
- Frjálslyndi lýðræðisflokkurinn 0,3% (78 atkvæði)
Jakob Frímann Magnússon, oddviti Flokks fólksins og nýr alþingismaður Norðausturkjördæmis sigri hrósandi í nótt. Ljósmynd: Skapti Hallgrímsson.
