Oddvitaþætti RÚV streymt á Akureyri.net

Ríkisútvarpið verður með kjördæmafund í Norðausturkjördæmi í kvöld þar sem rætt verður við forystumenn flokkanna sem bjóða fram í Norðausturkjördæmi í alþingiskosningunum í lok mánaðarins.

Þátturinn verður sendur út á Rás 2 og á RUV 2 en einnig verður hægt að horfa á hann í beinu streymi hér á Akureyri.net.

Þátturinn verður sendur út frá Hofi á Akureyri og hefst strax að loknum kvöldfréttum í útvarpinu, kl. 18.10. Umsjónarmenn verða Freyr Gígja Gunnarsson og Ólöf Rún Erlendsdóttir.

Eftirtaldir frambjóðendur verða í þættinum:

• B - Framsóknarflokkur - Ingibjörg Ísaksen þingmaður
• D - Sjálfstæðisflokkur - Jens Garðar Helgason aðstoðarforstjóri Kaldvíkur
• C - Viðreisn - Ingvar Þóroddsson framhaldsskólakennari
• F - Flokkur fólksins Sigurjón Þórðarson, framkvæmdastjóri
• J - Sósíalistaflokkurinn - Þorsteinn Bergsson þýðandi og rithöfundur
• L - Lýðræðisflokkurinn - Gunnar Viðar Þórarinsson athafnamaður
• M - Miðflokkurinn - Sigmundur Davíð Gunnlaugsson þingmaður
• P - Píratar - Theódór Ingi Ólafsson forstöðumaður
• S - Samfylkingin - Logi Einarsson þingmaður
• V - Vinstri græn - Sindri Geir Óskarsson sóknarprestur