Berglind stefnir á 2. sæti hjá Sjálfstæðisflokki
![](/static/news/lg/berglind-xd.jpg)
Berglind Ósk Guðmundsdóttir tilkynnti í morgun að hún gefi kost á sér í 2. sæti á lista Sjálfstæðisflokksins á Norðurlandi eystra fyrir alþingiskosningarnar í haust.
Berglind Ósk er 27 ára og starfar sem lögfræðingur hjá Háskólanum á Akureyri. Hún er stjórnarformaður Fallorku og varabæjarfulltrúi Sjálfstæðisflokksins á Akureyri. Berglind situr í stjórn Sambands ungra sjálfstæðismanna og stjórn Landssambands sjálfstæðiskvenna, auk þess er hún í stjórn sjálfstæðisfélagsins á Akureyri og stjórn ungra sjálfstæðismanna á Akureyri. Berglind Ósk á eina dóttur, Emilíu Margréti 5 ára. Sambýlismaður Berglindar er Daníel Matthíasson.
Í tilkynningu segist Berglind Ósk vilja leggja áherslu á að efla ungt fólk til góðra verka. Hún telur að styrkja þurfi landsbyggðina til að vega á móti öflugu höfuðborgarsvæði, m.a. með því að treysta innviði á landsbyggðinni, einna helst með traustum samgöngum, tryggri raforku, fjölbreyttara menntakerfi og öflugu heilbrigðiskerfi. Þannig sé hægt að auka lífsgæði á landsbyggðinni.
„Þá þarf að tryggja fjölbreytt atvinnutækifæri á landsbyggðinni en sérstaklega skal leggja kapp á að auka sérfræðistörf á landsbyggðinni og færa opinber störf út á land í miklu meiri mæli,“ segir hún.
![](/static/news/xs/thorarinn-frett.jpg)
![](/static/news/xs/1638281468_kosning-x-b_5793.jpg)
Mikil vonbrigði með ráðherraskipan
![](/static/news/xs/althingihus-og-oddvitar.jpg)
Enginn ráðherra úr Norðausturkjördæmi
![](/static/news/xs/bigg-og-unak.jpg)
Erindi Birgis í HA: Búið að kjósa og hvað nú?
![](/static/news/xs/kosning-jfm_5759.jpg)
Kosningaþátttaka á Akureyri var 79,33%
![](/static/news/xs/ingibjorg-isaksen.jpg)