Viðvörun: Spáð miklu hvassviðri á morgun

Veðurstofa Íslands hefur gefið út appelsínugula veðurviðvörun sem nær yfir Norðurland eystra, Norðurland vestra og Strandir og Vestfirði. 

Spáin fyrir Norðurland eystra er sunnanátt, 18-28 metrar á sekúndu í fyrramálið, frá kl. sjö til hádegis, og staðbundnar hviður yfir 30 metrum á sekúndu. Veðurstofan segir varasamt ferðaveður á ferðinni, einkum fyrir ökutæki sem taka á sig mikinn vind.  

Frá hádegi og fram á kvöld er spáð suðvestan 20-28 metrum á sekúndu og staðbundnum hviðum yfir 40 metrum á sekúndu, einkum vestantil.

Ljóst er að það sem von er á er alls ekkert ferðaveður. Nauðsynlegt er að ganga frá lausamunum til að fyrirbyggja foktjón og er fólki bent á að sýna varkárni.

Sjá nánar á vedur.is.

Samkvæmt veðurefnum blika.is verður hiti á bilinu 7-12 gráður á morgun og ekki víst að vindur verði mikill hér á Akureyri. Spálíkan Bliku gerir ráð fyrir áframhaldandi hlýindum eins og sjá má á myndinni hér að neðan.