Umferðartakmarkanir í bænum um helgina

Að venju verður umferð takmörkuð um ákveðnar götur í tengslum við viðburði hátíðarinnar Einnar með öllu sem haldin verður á Akureyri um helgina. Tilgangurinn með lokununum er að tryggja öryggi gesta og þátttakenda í viðburðunum. Ákveðnum götum eða götuhlutum í miðbænum verður lokað frá fimmtudagskvöldi og út helgina, en öðrum að hluta eða öllu leyti í tengslum hlaupaleiðir í Súlur vertical hlaupinu og lokatónleika hátíðarinnar.

• Í allt sumar
  Göngugata - Hafnarstræti frá Kaupvangsstræti að Skipagötu, lokuð í allt sumar
• Frá kl. 18 fimmtudaginn 1. ágúst til hádegis mánudaginn 5. ágúst
  - Listagilið, Kaupvangsstræti frá Skipagötu að Eyrarlandsvegi, lokað frá kl. 18 á fimmtudegi til hádegis mánudaginn 5. ágúst
  - Túngata frá Gránufélagsgötu að Strandgötu
  - Strandgata frá Hofsbót að Ráðhústorgi
  - Skipagata frá Hofsbót að Ráðhústorgi 
• Takmörkun á umferð og umferðarhraða frá kl. 20:30 sunnudaginn 5. ágúst þar til fimm mínútum yfir miðnætti
  - Drottningarbraut frá Kaupvangsstræti að Aðalstræti
  - Austurbrú
  - Hafnarstræti frá Kaupvangsstræti að Suðurbrú
  - Suðurbrú (milli Hafnarstrætis og Drottningarbrautar)
• Leyfilegt að leggja í vegarkanti
  - Drottningarbraut frá Aðalstræti suður að Leiruvegi
• Umferðarstýring og götulokanir vegna Súlur vertical hlaupsins laugardaginn 3. ágúst kl. 11-18, eða þar til síðasti hlaupari kemur í mark
  - Gangbraut yfir Hlíðarbraut við Hlíðarfjallsveg
  - Borgarbraut frá Norðurslóð að göngustíg við Klettaborg
  - Klettaborg (frá nr. 5) að Byggðavegi og yfir Byggðaveg eftir Sjafnarstíg
  - Þórunnarstræti frá Sjafnarstíg að Brekkugötu
  - Brekkugata, umferðarstýring að Helgamagrastræti
  - Brekkugata, lokað frá Helgamagrastræti niður að Ráðhústorgi, Klapparstígur einnig lokaður

Sjá einnig á myndunum hér að neðan og á akureyri.is.