Þórsarar taka á móti liði Hamars í kvöld

Karlalið Þórs í körfuknattleik tekur á móti liði Hamars frá Hveragerði í 9. umferð 1. deildar karla í Íþróttahöllinni í kvöld kl. 19:15.

Fyrir leikinn er Hamar í 3. sæti deildarinnar, hefur unnið fimm leiki af átta, en Þórsarar hafa verið að síga upp töfluna og eru nú í 7. sæti með þrjá sigra eftir fyrstu átta umferðirnar.

Þórsarar unnu útisigur gegn Breiðabliki í góðum leik í síðustu umferð, á meðan Hamar vann heimasigur gegn ÍA.

• 1. deild karla í körfuknattleik
  Íþróttahöllin á Akureyri kl. 19:15
  Þór - Hamar