Skiptimarkaður með íþróttaföt og fleira

Amtsbókasafnið á Akureyri ætlar að halda áfram með mánaðarlega skiptimarkaði í vetur. Í september verður hann helgaður frístundaiðkun og íþróttum barna og verður haldinn í næstu viku, hefst á mánudaginn og lýkur sunnudaginn 22. september. 

 

Markaðurinn verður á borðunum inni í kaffiteríu bókasafnins og er fólki frjálst að koma með eitthvað á markaðinn án þess að taka neitt í staðinn og öfugt.  Óskað er eftir hvers konar fatnaði eða búnaði sem börn nota í frístundar- eða íþróttastarf. Það sem ekki gengur út á markaðinum verður gefið á Rauða krossinn.