Fréttir
Rótarýklúbbur færði Bjargey leikjatölvu
09.03.2024 kl. 15:00
Jóhanna Ásmundsdóttir, forseti Rótarýklúbbs Akureyrar, til vinstri, Ólína Freysteinsdóttir forstöðumaður Meðferðarheimilisins Bjargeyjar og Hólmar Erlu Svansson ritari Rótarýklúbbs Akureyrar.
Fulltrúar Rótarýklúbbs Akureyrar komu færandi hendi á dögunum á meðferðarheimilið Bjargey að Laugalandi í Eyjafjarðarsveit. Klúbburinn gaf þá heimilinu leikjatölvu.
„Við í Rótarýklúbbi Akureyrar fórum ásamt vinaklúbbi okkar í Rótarýklúbbi Borgarness í kynnisferð í Bjargey síðastliðið sumar. Við vorum hrifin af því sem fyrir augun bar og langaði að leggja starfseminni lið með einhverjum hætti. Á dögunum kom tækifærið upp í hendur okkar og við gáfum Bjargey forláta Play Station 5 leikjatölvu sem ætti að geta nýst til afþreyingar, keppni og samskipta í daglegum störfum meðferðarheimilisins,“ segir Hólmar Erlu Svansson, ritari Rótarýklúbbs Akureyrar.
„Við vissum að þarna var gott starf í gangi en vissum ekki fyrr en eftir heimsókn okkar að hér er rekin einstök starfsemi á landsvísu fyrir stúlkur og kynsegin sem öll eru að eiga við sín lífsverkefni. Við í Rótarýklúbbi Akureyrar erum stolt af því að geta lagt góðum verkefnum lið og stutt þau með þeim hætti sem við getum,“ segir Hólmar.
Hvað er Bjargey? Frétt Akureyri.net í júní 2022: