Magnús, Lýður, Herbert og Árni – þekkirðu fleiri?

Lesendur hafa afskaplega gaman af gömlu íþróttamyndunum sem Akureyri.net hefur birt undanfarið. Ein slík birtist á hverjum laugardegi.

Í síðustu viku birtist meðfylgjandi mynd, af drengjum í Leikfimifélagi Akureyrar ásamt Magnúsi Péturssyni sem var kennari hjá félaginu frá 1922 til 1935.

Búið er að nafngreina þrjá drengi á myndinni.

• Grænn hringur er dreginn um andlit Herberts Jónssonar sem lengi var yfirtollvörður á Akureyri.
• Við hlið hans er Árni Ingimundarson skrifstofumaður, þekktur píanóleikari og kórstjóri - blár hringur er dreginn um andlit hans.
• Í rauða hringnum er Lýður Sigtryggsson, frábær harmonikkuleikari og vel þekktur í Evrópu, lengi búsettur í Noregi.

Akureyri.net hvetur fólk til að rýna enn betur í myndina og reyna að bera kennsl á fleiri drengi. Góð mynd er mun meira virði en ella ef fólk er nafngreint.

Smellið hér til að sjá fyrstu gömlu íþróttamyndina, sem birtist 18. nóvember á síðasta ári. Allir hinar birtast fyrir neðan þessu.