Íþróttir
KA fær Val í heimsókn í undanúrslitunum
13.06.2024 kl. 22:10
KA-mennirnir Elfar Árni Aðalsteinsson, Sveinn Margeir Hauksson og Daníel Hafsteinsson í bikarúrslitaleiknum gegn Víkingum í fyrra. Þá sigruðu Víkingar en liðin gætu mæst aftur í úrslitum í ár. Mynd: Skapti Hallgrímsson
KA tekur á móti Val í undanúrslitum bikarkeppninnar í knattspyrnu, Mjólkurbikarkeppninnar. Dregið var í beinni útsendingu í þættinum Bikarkvöldi á RÚV 2 i Ríkissjónvarpinu, eftir leiki kvöldsins.
Hin viðureign undanúrslitanna er leikur Víkings og Stjörnunnar.
Leikirnir verða að öllum líkindum 3. og 4. júlí en Birkir Sveinsson, starfsmaður KSÍ, sagði í þættinum að hugsanlega þyrfti að breyta leikdögum vegna leikja í Evrópukeppni félagsliða.
Úrslitaleikur Mjólkurbikarkeppninnar verður á Laugardalsvellinum 23. ágúst.
