Gamla myndin: veistu hvar þetta er?

Vikulega birtist gömul ljósmynd á Akureyri.net í samstarfi við Minjasafnið á Akureyri. Þetta er 120. gamla myndin frá safninu sem birtist hér og hafa flestar vakið mikil viðbrögð. Fólk sýnir iðulega gömlum myndum gríðarlegan áhuga og Minjasafninu hafa borist fjölmargar ábendingar um nöfn fólks og staðhætti eftir að mynd birtist opinberlega.

Ekki er vitað hver tók mynd dagsins eða hvar þetta er. Þeir sem kunna að búa yfir upplýsingum um myndina – hver maðurinn er og hvar myndin er tekin – eru hvattir til að senda þær til Minjasafnsins á Akureyri, á netfangið hg@minjasafnid.is

• HVAR ER ÞETTA? – Myndin hér að neðan birtist fyrir viku. Nokkrar ágiskanir hafa borist en enginn þeirra staðfest; Baugasel í Barkárdal var til dæmis nefnt en einhverjir töldu myndina hugsanlega tekna í Eyjafirði. Skorað er á fólk að skoða myndina vel og reyna að átta sig á því hvar hún er tekin.

Fleiri gamlar myndir frá Minjasafninu á Akureyri er hægt að skoða HÉR