Gamla myndin: veistu hvar þetta er?

Vikulega birtist gömul ljósmynd á Akureyri.net í samstarfi við Minjasafnið á Akureyri. Þetta er 190. gamla myndin frá safninu sem birtist hér og hafa flestar vakið mikil viðbrögð. Fólk sýnir iðulega gömlum myndum gríðarlegan áhuga og Minjasafninu hafa borist fjölmargar ábendingar um nöfn fólks og staðhætti eftir að mynd birtist opinberlega.

Veistu hvar myndin hér að ofan er tekin? Kannastu jafnvel við baksvipinn á hjólreiðamönnunum?

Þeir sem kunna að búa yfir upplýsingum um staðinn eru hvattir til að senda þær til Minjasafnsins á Akureyri og ritstjórnar Akureyri.net, á netföngin hg@minjasafnid.is og skapti@akureyri.net

• Myndin hér að neðan birtist fyrir viku. Þetta mun vera Hjarðarholt í Laxárdal í Dalasýslu, gamalt höfuðból, kirkjustaður og áður prestssetur. 

Fleiri gamlar myndir frá Minjasafninu á Akureyri er hægt að skoða HÉR