Gamla myndin: veistu hvar þetta er?

Vikulega birtist gömul ljósmynd á Akureyri.net í samstarfi við Minjasafnið á Akureyri. Þetta er 141. gamla myndin frá safninu sem birtist hér og hafa flestar vakið mikil viðbrögð. Fólk sýnir iðulega gömlum myndum gríðarlegan áhuga og Minjasafninu hafa borist fjölmargar ábendingar um nöfn fólks og staðhætti eftir að mynd birtist opinberlega.

Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is

• Myndin hér að neðan birtist fyrir viku. Ekki leið á löngu þar til skotheldar upplýsingar bárust frá Herdísi Önnu Jónsdóttur. Hún skrifaði: Þetta er gamli bærinn á Gautlöndum í Mývatnssveit. Móðir mín Ragnhildur Jónsdóttir er fædd þarna árið 1926. Ég veit ekki betur en að pabbi minn, Jón Sigurgeirsson frá Helluvaði, hafi tekið þessa mynd.

Fleiri gamlar myndir frá Minjasafninu á Akureyri er hægt að skoða HÉR