Bærinn auglýsir eftir stuðningsfjölskyldum
![](/static/news/lg/barnavernd_89a7480_1-3.jpg)
Fleiri stuðningsfjölskyldur, sem svo eru kallaðar, vantar á Eyjafjarðarsvæðinu og hefur velferðarsvið Akureyrarbæjar auglýst eftir fjölskyldum eða einstaklingum til að taka að sér börn, tvo eða fleiri daga í mánuði.
Á vef Akureyrarbæjar segir:
Starf stuðningsfjölskyldna er fjölbreytt og felst í því meðal annars að bjóða barni/börnum að taka þátt í daglegu lífi fjölskyldunnar og tómstundum. Fyrir barnið er stuðningsfjölskylda hugsuð sem skemmtileg upplifun og tilbreyting og um leið hvíld og stuðningur fyrir forelda og/eða forráðamenn barnanna.
Sótt er um leyfi til að gerast stuðningsfjölskylda hjá Gæða og eftirlitsstofnun velferðarmála.
Á vef bæjarins er bent á að frekari upplýsingar sé að hafa hjá Svöfu Hrund Friðriksdóttur, starfsmanni Barnaverndarþjónustu Eyjafjarðar, í síma 460-1000 eða á netfangið svava.hrund.fridriksdottir@akureyri.is.