Fréttir
AFS með kynningu á skiptinámi á morgun
29.01.2025 kl. 14:30
Erlendir skiptinemar á vefum AFS á Íslandi.
Fulltrúar AFS á Íslandi verða á Akureyri á morgun, fimmtudag 30. janúar, í því skyni að kynna skiptinám. Kynningin verður í stofu H9 í Menntaskólanum frá klukkan 16.00 til 17.30.
„Á staðnum verða bæði starfsmenn og sjálfboðaliðar AFS á Íslandi. Þetta er kjörið tækifæri til að koma og spyrja hvað skiptinám gengur út á,“ segir í tilkynningu.
Þar segir um samtökin:
- AFS eru alþjóðleg friðar og fræðslusamtök, sem leitast við að efla skilning milli ólíkra þjóða með því að bjóða upp á skiptináms- og sjálfboðaliðaverkefni fyrir ungt fólk.
- AFS eru sjálfboðaliðasamtök og má segja að hornsteinn starfs samtakanna sé hið óeigingjarna starf sjálfboðaliða.
- Helsta markmið AFS er að auka kynni og skilning milli þjóða og fólks af ólíkum uppruna, víkka sjóndeildarhring þátttakenda, auka menningarlæsi, víðsýni og umburðarlyndi.
- Þátttakendur eru hvattir til að taka þátt í samfélaginu og láta sig varða það sem þar á sér stað og taka afstöðu.
