Verslun Krónunnar opnuð

1. desember 2022 – Fyrsta verslun Krónunnar á Akureyri var opnuð klukkan 9 í morgun. Verslunin er að Tryggvabraut 8, verslunarrýmið er alls um 2.000 fermetrar að stærð og mun fjöldi vörutegunda í nýju versluninni hlaupa á þúsundum. Húsnæði Krónunnar að Tryggvabraut er nýtt en fyrsta skóflustunga að versluninni var tekin 15. júní 2021. Meðal þess sem verður að finna í nýju versluninni er útibú veitingastaðarins RUB23 þar sem hægt verður að fá tilbúna rétti. Jafnframt mun veitingastaðakeðjan Wok On opna í versluninni og bjóða í fyrsta sinn upp á núðlurétti sína á Akureyri, auk þess sem ferskt kjöt verður skorið og pakkað á staðnum. – Ljósmyndir: Skapti Hallgrímsson