Birkir Blær í sænska Idol

12. nóvember 2021 - Birkir Blær Óðinsson komst í kvöld í sjö manna úrslit í sænsku Idol söngkeppninni á sjónvarpsstöðinni TV4. Í þætti kvöldsins söng hann lagið It's A Man´s, Man´s, Man´s World sem James Brown gerði frægt á sínum tíma. Dómararnir voru gríðarlega hrifnir af frammistöðu Eyfirðingsins unga, eins og áður, og einn þeirra, Alexander Kronlund, hljóp upp á svið og faðmaði Birki Blæ að sér! Guðmundur Svansson © myndaði herlegheitin fyrir Akureyri.net.