112 dagurinn

11. febrúar 2022 – Árlegur 112 dagur. Slökkvilið Akureyrar var með sýningu á Glerártorgi í tilefni dagsins, þar sem kynntar voru aðferðir við reykköfun, björgun og endurlífgun, liðið kynnti auk þess ýmsan búnað sem það notar og veitti gestum þannig innsýn í störf slökkviliðs- og bráðaliða. Nýr stigabíll slökkviliðsins var einnig til sýnis. 112 er samræmt neyðarnúmer Evrópu og er dagurinn haldinn víða um álfuna m.a. til að kynna númerið og starfsemi allra sem tengjast því, efla vitund fólks um mikilvægi þessarar starfsemi og hvernig hún nýtist almenningi.