Þórsarar töpuðu fyrir Selfyssingunum ungu

Þórsarar töpuðu fyrir ungmennaliði Selfossi á útivelli, 34:30, í Grill 66 deildinni í handbolta í gærkvöldi.

Fyrir leikinn voru Þórsarar með 12 stig, einu stigi minna en Selfyssingar. Þetta var næstsíðasti leikur liðsins í deildarkeppninni, en Þórsarar fá ungmennalið Vals í heimsókn í Höllina föstudaginn 31. mars og hefst sá leikur kl. 20:15, að því er segir á heimasíðu Þórs. Þar er vakin athygli á breyttri tímasetningu, sem stafar af því að sama dag verður þriðji leikur Þórsliðsins í úrslitakeppni 1. deildar kvenna í körfubolta.

Þórsarar verða með í úrslitakeppni Grill 66 deildarinnar sem hefst eftir páska.

Arnór Þorri Þorsteinsson og Jonn Rói Tórfinnsson voru eins og oft áður mest áberandi í markaskorun Þórsliðsins, Arnór með 10 mörk og Rói sjö.

Nánar hér á heimasíðu Þórs