Grindvíkingar boðnir velkomnir á æfingar

Íþróttafélagið Þór tilkynnti á heimasíðu sinni í dag að Grindvíkingar sem hafa þurft að yfirgefa heimili sín og muni dvelja á Akureyri eða nágrenni séu boðnir velkomnir á æfingar hjá öllum deildum félagsins án endurgjalds.

Ástæða er til að vekja athygli á tilkynningunni frá Þórsurum. Hún er svohljóðandi í heild:

Kæru Grindvíkingar.

Íþróttafélagið Þór sendir Grindvíkingum kveðjur í þeim erfiðu og yfirþyrmandi aðstæðum sem þið upplifið þessa dagana.

Ef einhver ykkar sem hafa þurft að yfirgefa heimili sitt og bæinn sinn og munuð dvelja á Akureyri eða í nágrenni eruð þið boðin velkomin á æfingar hjá deildum Þórs. Það er að sjálfsögðu án endurgjalds. Íþróttafélagið Þór stendur opið iðkendum úr Grindavík í öllum greinum sem stundaðar eru innan félagsins. Þetta á að sjálfsögðu einnig við hjá Þór/KA sem rekur 2. og 3. flokk kvenna í knattspyrnu ásamt meistaraflokki.

Verið ávallt velkomin í félagsheimilið okkar, Hamar.

Upplýsingar um deildir, stjórnir, þjálfara og æfingatöflur er að finna hér á vefnum okkar. Hér að neðan eru tenglar til að stytta leiðir:

Handbolti: https://www.thorsport.is/handbolti

Knattspyrna: https://www.thorsport.is/knattspyrna

Körfubolti: https://www.thorsport.is/korfubolti

Pílukast: https://www.thorsport.is/pilukast

Pílukast - Facebook-hópur: https://www.facebook.com/groups/49796022199

Taekwondo: https://www.thorsport.is/taekwondo

Hnefaleikar: https://www.thorsport.is/hnefaleikar

Rafíþróttir: https://www.thorsport.is/rafithrottir