Rafiðnaðarsambandið semur við Niceair

Niceair hefur samið við Rafiðnaðarsamand Íslands (RSÍ) um afsláttarkjör fyrir félagsmenn sambandsins.

Um er að ræða eins samning og Niceair hefur gert við önnur stéttarfélög á svæðinu; félagsmönnum RSÍ gefst kostur á að kaupa allt að fjögur gjafabréf á ári að andvirði 32.000 krónur hvert, en greiða 22.000 fyrir hvert og eitt.

„Þarna er í boði góður afsláttur frá Niceair ásamt því að Rafiðnaðarsambandið niðurgreiðir að auki hluta af þessum afslætti til sinna félagsmanna. Frábært samstarf sem kemur öllum félagsmönnum RSÍ til góða,“ segir í tilkynningu.