Ljósin og myrkrið í bænum

Í tilefni 159 ára afmælis Akureyrarbæjar á sunnudaginn eru valin hús lýst á litríkan, listrænan og skemmtilegan hátt um helgina. Fólk naut dýrðarinnar á föstudagskvöldi og aftur verður boðið upp á ljósaveislu í kvöld, laugardagskvöld.

Vídeólistaverk Heimis Hlöðverssonar, sem var unnið sérstaklega fyrir Menningarhúsið Hof í tilefni 10+1 árs afmælis þess, var frumsýnt í gærkvöldi og vídeólistaverkum var einnig varpað á Listasafnið á Akureyri. Önnur hús voru Akureyrarkirkja, Glerárkirkja og aðstöðuhús siglingaklúbbsins Nökkva, auk þess sem ljósadýrð var í Lystigarðinum og víðar um bæinn. 

• Menningarhúsið Hof – Catalysis #2 – Heimir Hlöðversson
• Akureyrarkirkja – Bernharð Már Sveinsson
• Glerárkirkja – Hinrik Svansson
• Listasafnið á Akureyri – Arna Valsdóttir og Sigga Björg Sigurðardóttir
• Aðstöðuhús siglingaklúbbsins Nökkva – Bernharð Már Sveinsson
• Lystigarður Akureyrar – Starfsfólk garðsins og Bernharð Már Sveinsson
• Upplýst svæði um bæinn – Starfsfólk umhverfismiðstöðvar Akureyrarbæjar

Að neðan eru myndir af Listasafninu, Akureyrarkirkju, af húsi Nökkva og úr Lystigarðinum. Meira eftir laugardagskvöldið.